Grŵp Trawsbleidiol Gorchwyl a Gorffen Cynulliad Cenedlaethol Cymru ar Blant sy’n Dioddef gan fod eu Rhieni wedi’u Carcharu (CAPI) – Cylch Gorchwyl (yn amodol ar gael ei fabwysiadu’n ffurfiol)

Gweledigaeth

Sefydlu polisi, deddfwriaeth a fframwaith ymarfer cenedlaethol i sicrhau bod pob plentyn sy’n profi’r caledi o fod â rhiant mewn carchar yn cael eu cydnabod, eu clywed, ac yn cael cyfle teg i sicrhau canlyniadau cadarnhaol yn eu bywydau.

Cylch Gorchwyl

Disgwylir i aelodau’r grŵp gyfrannu at weithrediad y grŵp, pryd bynnag y bo hynny’n bosib, naill ai’n bersonol neu drwy anfon cynrychiolydd. Cymerir bod unrhyw gyfraniad a wneir gan gynrychiolydd yn adlewyrchu barn yr aelod gwreiddiol, heblaw y pennwyd fel arall.

Pryd bynnag y bo modd, disgwylir i aelodau’r grŵp neu eu cynrychiolwyr ymateb i wybodaeth a rennir a cheisiadau a wneir rhwng cyfarfodydd swyddogol.

Darganfod – casglu gwybodaeth, profiadau ac ymchwil

· Ystyried gwybodaeth a gasglwyd yn uniongyrchol gan deuluoedd sy’n dioddef gan fod aelod o’r teulu wedi’i garcharu.

· Ystyried gwybodaeth a gasglwyd gan ddarparwyr gwasanaeth arbenigol.

· Ystyried gwybodaeth a gasglwyd gan wasanaethau generig ar gyfer CAPI.

· Ystyried canfyddiadau ymchwil.

· Ystyried blaenoriaethau ymchwil newydd.

· Ymweld â gwasanaethau.

· Ymweliadau eraill e.e. Carchar y Parc.

Diffinio – disgrifio a thynnu sylw at y materion perthnasol

Dwyn ynghyd yr amrywiol faterion a wynebir gan deuluoedd â phlant sy’n dioddef gan fod eu rhieni wedi’u carcharu, gan ddarlunio cymhlethdod eu hanghenion a pha mor ddigonol yw ymatebion cyfredol

· Ystyried materion yng nghyswllt atodlen 7

o Ystyried argymhellion i Lywodraeth Cymru

§ Dros beth y gallai Llywodraeth Cymru eiriol?

§ Beth allai Llywodraeth Cymru ei gyflawni?

Dosbarthu

· Manteisio ar gyfleoedd ar gyfer cwestiynau ysgrifenedig a llafar mewn sesiynau llawn.

· Manteisio ar gyfleoedd ar gyfer dadleuon byr.

· Ystyried dylanwad cynlluniau gwaith ac ymholiadau Pwyllgorau Cynulliad Cenedlaethol Cymru i’r dyfodol.

· Cynhyrchu adroddiad Grŵp Trawsbleidiol gan gynnwys diffinio’r mater a gwneud argymhellion i Lywodraeth Cymru.